Úr húsi afa míns er þriðja og síðasta bókin í marglofuðum þríleik Finnboga Hermannssonar um bernskubrek eftirstríðsáranna í Reykjavík. Sögumaður er að vaxa úr grasi. Á sama tíma er hið unga lýðveldi Íslands að slíta barnsskónum. Bærinn Reykjavík er smám saman að verða að borg, með tilheyrandi vaxtarverkjum. Og nú stendur sögumaður á tímamótum því að framtíðin er farin að knýja dyra. Eftir ferminguna þurfa ungir menn að marka lífi sínu farveg. Þá er gott að eiga athvarf frá landsprófum og loftborum í sveitinni austur í Flóa, þar sem enn eru stundaðir fornir búskaparhættir.