Árið 2011 voru 16 ár liðin síðan Fornleifastofnun Íslands var formlega komið á laggirnar. Af því tilefni kom út þetta greinasafn eftir tuttugu og einn höfund, sem allir hafa átt þátt í að gera stofunina að leiðandi afli í íslenskum fornleifarannsóknum. Margar af greinunum eru sprottnar upp úr stórum uppgraftar- og skráningarverkefnum sem Fornleifastofnun hefur staðið fyrir, aðrar sýna hvernig hægt er að nota niðurstöður þjónusturannsókna í vísindaskyni og enn aðrar eru afrakstur sjálfstæðra rannsókna.