Sólhvörf er plata með hljómsvetinni Umbra og hefur hún að geyma íslensk og evrópsk jólalög, flest frá miðöldum. Útsetningar eru nær allar að hætti Umbru, en hana skipa Alexandra Kjeld, Arngerður María Árnadóttir, Guðbjörg Hlín Guðmundsdóttir og Lilja Dögg Gunnarsdóttir. Gestaleikarar á Sólhvörfum eru Matthías M.D. Hemstock og Þórdís Gerður Jónsdóttir.

Vetrarsólstöður eða sólhvörf er sá tími ársins þegar sólargangurinn er stystur og nóttin lengst. Frá og með þessum tímamótum, sem hefur verið tilefni hðátíðahalda á norðurhveli jarðar frá örófi alda, birtir smám saman til.

Áður hefur Umbra sent frá sér plötuna Úr myrkrinu sem hlaut frábæra dóma og viðtökur.