Í þessari nýju bók lýsir Örn Ólafsson skáldsögum Thors, smásögum, greinum,  ferðabókum og umfjöllun Thors um listamenn. Örn dregur fram sameiginleg einkenni þessara texta og rekur skáldferil Thors.

Thor er allra íslenskra skálda myndrænastur í lýsingum. Það sem vinnst við að sleppa söguþræði og persónusköpun er að áherslan flyst að sálarlífi persóna, skynjun andartaksins. Einkum heldur Thor sig við Suður-Evrópu, en sögur hans á Íslandi urðu vinsælli.

Thor hlaut frá upphafi aðdáun flestra gagnrýnenda, og verðlaun, frá Svíþjóð auk Íslands. Hann var atkvæðamikill í opinberum umræðum Íslendinga og var góður þýðandi merkra bókmenntaverka.