Þín eigin saga: Piparkökuhúsið fjallar um girnilegt hús úr piparkökum og sælgæti, glaðlegan piparkökukarl, grimma norn, innilokaða fanga – og ÞIG.

Því þú ræður hvað gerist!

Mundu bara að ef sagan endar illa má alltaf reyna aftur – það eru meira en tíu mismunandi sögulok!

Bækur Ævars Þórs Benediktssonar þar sem lesandinn ræður ferðinni hafa notið gríðarlegra
vinsælda á undanförnum árum. Hér spinnur hann þráð úr bók sinni Þitt eigið ævintýri
í stuttum köflum og aðgengilegum texta sem hentar byrjendum í lestri.

Evana Kisa myndskreytir.