Dag einn þegar Teitur er að borða morgunverðinn sinn hoppar brauðið upp úr brauðristinni eins og alla aðra morgna, en allt í einu rekur hann í rogastans. Það eru bókstafir á brauðinu – dularfull skilaboð: Hjálpa Stellu!

Hann skilur strax að hún er í miklum háska, dökkhærða stelpan sem hann hitti í fyrra þegar hann fór í ferðalag í tímavél Tímóteusar uppfinningamanns. Teitur svarar neyðarkalli vinkonu sinnar og með því að nýta sér vísindaþekkingu Tímóteusar og Purku systur hans, sem er ófyrirleitin og illkvittin kerling, þá kemst Teitur inn í fjórðu víddina, heim gulu dýranna.

Sögur Sigrúnar Eldjárn njóta mikilla vinsælda meðal íslenskra barna. Sagan er sjálfstætt framhald sögunnar Teitur tímaflakkari.

Hljóðbókin er um 1 klukkustundir og 30 mínútur í hlustun. 

Vala Þórsdóttir leikkona les.

ATH. Hljóðbókin er aðeins til á geisladiski (CD eða Mp3) sem er afhentur í pósti eða sóttur í Bókabúð Forlagsins. Hér má finna hljóðbækur okkar sem eru aðgengilegar rafrænt í streymi.