Ljósmæðrastéttin er rótgrónasta kvennastétt landsins. Enginn karl­maður sinnir ljósmóðurstörfum hér á landi og er Ísland eitt fárra landa á Vesturlöndum þar sem engin karlkyns ljósmóðir fyrirfinnst. En fyrr á öldum var talsvert algengt að karlar sinntu fæðingarhjálp hér á landi.

Í þessari bók er saga þeirra dregin fram í dagsljósið. Fjallað er um sögu ljósmóðurstarfsins en sjónum sérstaklega beint að körlunum, bæði hér á landi og í öðrum löndum. Sagt er frá fjölmörgum bændum, hreppstjórum og prestum sem vöktu yfir ljósinu og hjálpuðu konum að fæða börn sín.

Höfundurinn, Erla Dóris Halldórsdóttir, er doktor í sagnfræði frá Háskóla Íslands en einnig hjúkrunarfræðingur að mennt. Bókin er að hluta byggð á doktorsritgerð hennar.