Hann sannfærði sjálfan sig um að ekki væri hægt að ætlast til þess að honum tækjust hlutir eins og að skrifa bréf til raðmorðingja í fyrstu tilraun, enda væri hann bara tólf ára.

Hinn tólf ára gamli Steven Lamb grefur holur á Exmoor heiði í von um að finna lík.

Á hverjum degi eftir skóla og um helgar, á meðan skólafélagar hans skiptast á fótboltamyndum, grefur Steven holur til að freista þess að leggja til hinstu hvílu frændann sem hann kynntist aldrei, frændann sem hvarf þegar hann var ellefu ára og talið er að hafi verið fórnarlamb hins alræmda raðmorðingja Arnold Avery.