Útgáfu Spænsk-íslenskrar orðabókar hefur lengi verið beðið af spænskunemendum og öðrum áhugamönnum um spænska tungu enda hefur spænska notið sívaxandi vinsælda í íslenskum skólum á öllum skólastigum. Orðabókin hentar jafnt byrjendum í spænsku og hverjum þeim sem nota þurfa spænsku í námi, viðskiptum eða á ferðalögum. Spánn og sú spænska sem þar er töluð er lögð til grundvallar en talsverðan fjölda orða má finna frá öðrum spænskumælandi löndum.

• Um 27.000 uppflettiorð
• Ríflega 13.000 orðasambönd og máldæmi
• Greinargóðar upplýsingar um málfræði og málnotkun
• Orðaforði daglegs máls og fjölda fræðasviða
• Rammagreinar með umfjöllun um sérstök atriði í spænskri menningu
• Uppflettiorð prentuð með bláum lit til að auðvelda leit að orðum

Ritstjórn bókarinnar skipuðu Guðrún H. Tulinius, Margrét Jónsdóttir, Ragnheiður Kristinsdóttir, Sigrún Á. Eiríksdóttir og Teo Manrique en bókin er unnin í samstarfi Háskólans í Reykjavík og Eddu útgáfu.