Hér er að finna margar ljóðaperlur í andríkum og nákvæmum þýðingum Þorsteins Gylfasonar, ljóð eftir höfuðskáld eins og Shakespeare, Goethe og Púshkín, en einnig eftir minna þekkt góðskáld eins og Piet Hein og Tove Ditlevsen. Þá eru í bókinni þýddar allmargar spænskar þjóðvísur. Síðari hluti bókarinnar er helgaður þýska skáldinu Bertolt Brecht. Ljóðin eru birt á frummálinu við hlið þýðinganna svo lesendur geta borið þýðingarnar saman við frumgerðirnar sér til skemmtunar og fróðleiks.