Meirihluti barna sefur vært eins og eðlilegt getur talist en um 30% þarfnast aðstoðar og kennslu. Þau eiga t.d. erfitt með að festa svefn, vakna oft upp á nóttunni, gráta mikið eða vilja ekki sofa í sínu eigin rúmi. Dr. Estivill trúir því, að eins og barn geti lært að borða með skeið og drekka úr glasi, geti það lært góðar svefnvenjur. Við fyrsta lestur kunna aðferðir hans að virðast nokkuð harkalegar en við nánari íhugun eru þær skynsamlegar og barninu ekki skaðlegar.

Allt er úthugsað, bæði út frá læknis- og uppeldisfræðum. Estivill-kerfið snýst í kjarna sínum um að foreldrar komi á ákveðnum reglum í kringum svefn og svefntíma barnsins og hviki ekki frá þeim. Þeir eiga að vera hlýir, ástúðlegir en ákveðnir leiðbeinendur. Í bókinni er vandlega farið yfir hugsanleg viðbrögð barnsins við nýju reglunum. Það getur grátið og vælt, þóst vera svangt, meitt sig og jafnvel ælt. Þessi viðbrögð eru útskýrð fyrir foreldrum og hvers vegna það stofni ekki heilsu barnsins í voða að bregðast ekki við þeim.

Samkvæmt dr. Estivill er í 97% tilfella hægt að kenna börnum, frá sex mánaða aldri, að sofa alla nóttina í einni lotu.