Romsubók Aðalsteins Ásbergs Sigurðssonar með myndlýsingum Höllu Sólveigar Þorgeirsdóttur inniheldur bæði langar og margar romsur.

Þó bókin sé frekar ætluð yngri lesendum, gengur hún fyrir allan aldur! Romsur Aðalsteins eru rímaðar og stuðlaðar og margar afar skemmtilegar. Sumar eru léttgeggjaðar og í ‘bull’ stíl, aðrar öllu alvarlegri.

Myndirnar gera mikið fyrir romsurnar, en romsurnar eru settar upp í stíl við myndirnar, með tilheyrandi leturgerða- og litaleik. Allt er þetta afskaplega skemmtilega gert og bókin hreinlega iðar af lífi.

Hér má finna Romsubókina í pakka ásamt hljóðbókinni Segðu mér og segðu… sem er sömuleiðis eftir Aðalstein Ásberg.