Í Prjónasögum er kvenlegri og rómantískri hönnun gert hátt undir höfði. Uppskriftirnar eru 34 talsins og eru flestar að peysum, bæði hnepptum og heilum, í stærðum frá XS og allt upp í 4XL. Hönnuður sækir innblástur í tískusöguna en leitar jafnframt fanga í skáldskap og ævintýrum. Falleg smáatriði, eins og púffermar, blúndur, knúppar og fínlegir kragar, lífga upp á flíkurnar og gefa þeim nostalgískan svip þótt þær séu bæði hentugar og nútímalegar.

Helene Arnesen er þekktur norskur hönnuður. Hún er menntuð í búningahönnun en hefur undanfarið vakið mikla athygli fyrir prjónahönnun sína.

Ásdís Sigurgestsdóttir og Guðrún B. Þórsdóttir þýddu.

Smellið hér og hér til að sjá skjal með leiðréttingum.