Pantaljón höfuðsmaður fær úthlutað sérstöku leyniverkefni á vegum hersins í frumskógum Perú. Hann er að eðlisfari siðavandur og bregður því illilega þegar í ljós kemur að verkefnið felst í því að skipuleggja „sérþjónustu“ kvenna til að svala ástarþörfum hermannanna í afskekktum herfylkjum. En Pantaljón gengur til þessa verks af sömu einurð og hann er vanur. Með hárnákvæmri formfestu og skipulagshæfni kemur hann „sérþjónustunni“ á koppinn. Pantaljón og yfirmenn hans reyna eftir bestu getu láta þessa starfsemi ekki fara hátt. En brátt fer að kvisast hvaða verkefni hinir föngulegu liðsmenn „sérþjónustunnar“ hafa með höndum.