Ambrose Bierce (1841­ 1914) var afkastamikill rithöfundur og fékkst jafnframt við blaðamennsku. Frásagnir hans af spillingu, prettum og ávirðingum samborgaranna gátu verið mergjaðar og miskunnarlausar svo undan sveið. Orðin urðu beitt vopn í höndum hans og í Orðabók Andskotans veltir hann fyrir sér merkingu þeirra á gráglettinn og hreinskilinn hátt. Flett er ofan af hræsni, yfirborðsmennsku og uppgerð í mannlegum samskiptum en skopskynið er aldrei langt undan. Þýðing Hallbergs Hallmundssonar ljóðskálds er einstaklega vel unnin.

Þýðing: Hallberg Hallmundsson