Orðaskrá um eðlisfræði og skyldar greinar er unninn á vegum Orðanefndar Eðlisfræðifélags Íslands og er hún annars vegar ensk-íslensk og hins vegar íslensk-ensk. Í skránni geta bæði lærðir og leikir flett upp hugtökum, fræðst um samhengi þeirra og fundið frambærileg íslensk orð um þau. Þeir sem kunna skil á hugtökunum á erlendu máli en rekast á ókunnug nýyrði í íslenskum textum geta einnig glöggvað sig  á því við hvaða hugtak er átt. Að auki er notkun orðanna sýnd í samhengi í nokkrum textadæmum aftast í bókinni.

Bókin á erindi til allra þeirra sem fjalla um eðlisfræði og skyldar greinar, hvort sem þeir eru höfundar , fréttamenn , þýðendur, nemendur, kennarar eða almennir lesendur efnis þar sem eðlisfræðin kemur við sögu.