Óli G. Jóhannsson var þekktur listmálari bæði hér innanlands sem og erlendis. Þar sló hann í gegn árið 2007 þegar verk hans seldust upp samdægurs á sýningum hjá Opera Gallery London og síðar í New York. Nú kemur út glæsileg listaverkabók um málaraferil hans.

Texta skrifa Jean-David Malat, framkvæmdastjóri Opera Gallery London og Æsa Sigurjónsdóttir, listfræðingur. Bókin inniheldur 316 litasíður af málverkum Óla G.

Textinn í bókinni er á íslensku, ensku og frönsku. Ljósmyndari er Þórhallur Jónsson.