Ódauðleg brjóst er fyrsta ljóðabók Ásdísar Ingólfsdóttur og sú 28. í seríu Meðgönguljóða, bókaflokki Partusar helguðum nýjabruminu í íslenskri ljóðlist.

Í kaldri birtunni
ristir hnífur kvið
frá nafla að lífbeini
klýfur vefi
hárnákvæmt

Um er að ræða ljóðabók þar sem heilt líf liggur undir, frá átákanlegri reynslu ungrar stúlku til þroskaðra tilfinninga og hugsana fullorðinsáranna.

Ásdís Íngólfsdóttir (f. 1958) lauk stúdentsprófi frá Menntaskólanum við Hamrahlíð, BS-prófi í jarðfræði og meistaraprófi í viðskiptafræði frá Háskóla Íslands. Ásdís starfaði sem blaðamaður á Morgunblaðinu og hefur gefið út prjónablað og námsbækur í náttúru- og efnafræði ásamt öðrum. Hún hefur birt ljóðaþýðingar í Stínu og Tímariti Máls og menningar og ljóð hennar og smásögur hafa birst í enskum þýðingum. Ásdís stundar nám í ritlist við Háskóla Íslands.

Ritstjórn: Þórarinn Eldjárn