Hér lætur lögreglukonan unga, Anna Káradóttir, til sín taka á nýjan leik, en hún kom til sögunnar í síðustu bók Birgittu, Tafli fyrir fjóra. Öldruð kona finnst látin í risíbúð á Vesturgötunni í Reykjavík. Rétt í sama svip finnst ung, erlend súludansmær myrt í húsagarði í Grafarvogi. Fljótt koma í ljós þræðir sem tengja þessar gjörólíku konur saman og við það hefst ótrúleg atburðarás sem leiðir Önnu á viðsjárverðar slóðir. Sögulokin koma harðsnúnustu spennusagnafíklum gersamlega á óvart.