Í bókinni Nenni ekki að elda eftir Guðrúnu Veigu Guðmundsdóttur er að finna einfaldar, fljótlegar en  frumlegar og girnilegar uppskriftir fyrir þá sem nenna ekki að elda eða hafa lítinn tíma til að standa í stórræðum í eldhúsinu.

Guðrún Veiga er mannfræðinemi í Breiðholtinu. Undanfarin ár hefur hún haldið úti blogginu gveiga85.blogspot.com sem fer stundum yfir tíuþúsundamúrinn í daglegum gestaheimsóknum. Hún hefur líka stjórnað matreiðsluþætti í sjónvarpi þar sem hún spyr þjóðkunna Íslendinga óviðeigandi spurninga. Þessi unga kona myndi seint afþakka beikon. Eða hnetusmjör. Eða Oreo kex. Hvað þá rauðvín …