Bæta á óskalistaEr á óskalista
Bæta á óskalista
Náðarstund
| Gerð | Útgáfuár | Síður | Verð | Magn | |
|---|---|---|---|---|---|
| Kilja | 2019 | 352 | 3.690 kr. | ||
| Rafbók | 2014 | 490 kr. | |||
| Geisladiskur | 2015 | Mp3 | 4.290 kr. | ||
| Hljóðbók - streymi | 2018 | App | 3.390 kr. | Setja í körfu |
| Gerð | Útgáfuár | Síður | Verð | Magn | |
|---|---|---|---|---|---|
| Kilja | 2019 | 352 | 3.690 kr. | ||
| Rafbók | 2014 | 490 kr. | |||
| Geisladiskur | 2015 | Mp3 | 4.290 kr. | ||
| Hljóðbók - streymi | 2018 | App | 3.390 kr. | Setja í körfu |
Um bókina
Árið 1829 bíður kona aftöku sinnar á norðlenskum sveitabæ. Agnes Magnúsdóttir hefur verið dæmd til dauða ásamt tveimur ungmennum fyrir hrottalegt morð á elskhuga sínum og öðrum manni. Henni er komið fyrir hjá hreppstjóranum á meðan beðið er eftir dómi Hæstaréttar í Kaupmannahöfn.
Heimilisfólkið óttast hana og forðast; enginn sýnir henni skilning nema ungur aðstoðarprestur sem hefur verið falið að búa hana undir dauðann. Í samtölum þeirra og upprifjunum Agnesar opinberast smátt og smátt harmsaga hennar, ást hennar á Natani Ketilssyni og aðdragandi skelfingarnæturinnar á Illugastöðum.
Hannah Kent var skiptinemi á Sauðárkróki þegar hún heyrði söguna um síðustu aftöku á Íslandi og heillaðist svo af henni að hún skrifaði um hana sína fyrstu skáldsögu, Náðarstund. Hér dregur hún upp margræða mynd af íslenskum raunveruleika, harðri lífsbaráttu, drungalegu myrkri og björtum nóttum, heitum tilfinningum og hörmulegum örlögum. Bókin hefur komið út víða um lönd, hlotið fjölda verðlauna og viðurkenninga og nú er kvikmynd eftir sögunni í undirbúningi.
Jón St. Kristjánsson þýddi.
ATH. Tvær gerðir hljóðbóka eru í boði fyrir þessa vöru. Hljóðbókin er til á geisladiski (CD eða Mp3) sem afhendist í pósti eða úr verslun en einnig er hægt að fá hljóðbók sem er afhent rafrænt og hægt er að hlusta á beint í gegnum app Forlagsins eða vafra (Hljóðbók – App). Hér má lesa meira um hljóðbækur fyrir appið.
Hljóðbókin er um 11 klukkustundir og 15 mínútur að lengd. Hildigunnur Þráinsdóttir leikkona les.
9 umsagnir um Náðarstund
Elín Pálsdóttir –
„Feikilega skemmtileg og sterk lesning …“
ÞT / Kiljan
Elín Edda Pálsdóttir –
„Vönduð söguleg skáldsaga um eitt frægasta morðmál Íslandssögunnar, lýsing aðalpersónunnar ber söguna uppi … Þýðing Jóns er mjög góð, hún þræðir einstigið milli nútímamáls og málfars sögutímans vel … sagan er vel skrifuð og mynd [Hönnuh] af samtíma Agnesar, hörmulegum aðstæðum og nöturlegum örlögum er eftirminnileg.“
Jón Yngvi Jóhannsson
Elín Edda Pálsdóttir –
„…sérdeilis vel heppnaðri frumraun … Hönnuh er einkar lagið að magna upp stemningu og lýsing hennar á aðstæðum, forsögu og sálarástandi Agnesar eru skrifaðir af krafti og næmleika í ágætu jafnvægi.“
Þorgeir Tryggvason / FB
Elín Edda Pálsdóttir –
„Persónar Agnesar fær þarna meðferð sem ég hef ekki séð í neinum öðrum skrifum um þetta mál. Löngu tímabært og mjög gaman að kynnast þessari hlið … Þessi ofboðslega nákvæma og heiðarlega lýsing á aðstæðum hjá fólkinu, þrengslunum, myrkrinu, kuldanum finnst mér alveg svakalega vel gert … Um leið og Agnes er komin á sviðið náði hún manni algjörlega …Fantalega vel unnin þýðing!“
Friðrika Benónýsdóttir / Kiljan
Elín Edda Pálsdóttir –
„Hönnuh Kent tekst að draga upp trúverðuga mynd af íslenskri fátækt og grimmilegri lífsbaráttu þessa tíma … Innsæi höfundar var þannig að mér fannst stundum að Agnes hefði hreinlega tekið sér stöðu við hlið hennar og leitt hafa áfram. Náðarstund er fallega skrifuð og stíluð…“
Ásta Sigrún Magnúsdóttir / DV
Elín Edda Pálsdóttir –
„Náðarstund er mögnuð og grípandi … Kent fléttar söguna vel … Bókin er listavel þýdd … Hönnuh Kent tekst í Náðarstund að gæða sögu Agnesar magnúsdóttur slíku lífi að á köflum mætti ætla að hún hefði verið á staðnum.“
Karl Blöndal / Morgunblaðið
Elín Edda Pálsdóttir –
„…stórbrotin skáldsaga, sjaldgæf lestrarupplifun … alvöruskáldverk af hæsta gæðaflokki í frábærri þýðingu … stórkostleg heimildarskáldsaga … Þýðingin er svo fallega og nostursamlega gerð að unun er að lesa og eiginlega fannst mér að bókin hlyti að vera frumsamin á íslensku … ber hugkvæmni, vandvirkni og stílgáfu Jóns St. Kristjánssonar fagurt vitni … Náðarstund er bók sem vakti með mér hugsanir og tilfinningar sem aðeins örfáar bækur af þeim þúsundum sem ég hef lesið hafa gert. Þetta er bók sem ég legg frá mér fullur þakklætis fyrir sjaldgæfa lestrarupplifun, bók eftir vandaðan og hæfileikaríkan höfund sem ég mun svo sannarlega fylgjast með í framtíðinni.“
Þráinn Bertelsson
Elín Edda Pálsdóttir –
„Ótrúleg bók sem ég sat límdur við. Ungur ástralskur höfundur dýfir sér í jökulkalt sagnadjúp okkar og kemur úr kafi með skáldsögu sem er svo trúverðug að manni finnst hún helst vera samtímalýsing frá 1830. Vatnsdalurinn verður aldrei samur.“
Hallgrímur Helgason
Elín Edda Pálsdóttir –
„Kent tekst afar vel að lýsa persónu Agnesar og átökunum í sálarlífi hennar og skapar sérlega áhugaverða persónu. Umhverfið er dimmt og nöturlegt eins og hæfir söguefninu. Mögnuð bók.“
Kolbrún Bergþórsdóttir / Morgunblaðið