Bók þessi er áskorun síunga öldungsins Stéphane Hessel til lesenda sinna um að vera virkir borgarar og mótmæla hástöfum þegar þeim ofbýður óréttlæti heimsins. Hann rifjar hér upp þau gildi og réttindi sem vestræn samfélög hafa grundvallast á allt frá lokum síðari heimsstyrjaldarinnar og færir gild rök fyrir því að þau hafi alltof oft verið sniðgengin á fyrsta áratug 21. aldarinnar. Því hvetur hann fólk, ekki síst ungt fólk, til að efna til „friðsamlegrar uppreisnar“ og gæta vel að þessum grunngildum sem hann segir vera forsendu betri, friðsamlegri og réttlátari heims.