Peter Wihl listmálari er að verða fimmtugur þegar hann verður skyndilega fyrir þungu áfalli: Hann missir sjónina. Tímabundið að vísu, en svo gerist það aftur….og aftur.

Óttinn nær tökum á honum og örvæntingin fleytir honum inn á ókunnar slóðir þar sem allt er falt fyrir peninga og tilgangurinn helgar meðalið. Að lokum stendur hann frammi fyrir þeirri spurningu hvort listamanni sé hægara að lifa við siðferðisblindu en ónýt augu.

Höfundur bókarinnar er metsöluhöfundurinn Lars Saabye Christensen. Hann hlaut Bókmenntaverðlaun Norðurlandaráðs 2002 fyrir sögu sína Hálfbróðurinn sem einnig hefur komið út á íslensku.