Í tilefni af 75 ára afmæli Hallgrímssafnaðar í Reykjavík hefur Hallgrímskirkja gefið út sögu safnaðarins. Hallgrímskirkja er eitt helsta kennileiti Reykjavíkur og þekkt sem ein af tíu fegurstu og sérstæðustu byggingum í okkar heimshluta.

Hallgrímssöfnuður, sem stofnaður var í bíósal Austurbæjarskóla árið 1940, fékk það hlutverk í veganesti frá Alþingi sama ár að byggja “stóra kirkju á Skólavörðuholti hið fyrsta”. Í bókinni er rakin fjörutíu og eins árs saga byggingar Hallgrímskirkju.