Matarást, alfræðibók um matargerð, hráefni og uppskriftir, matarsögu og allt sem snertir mat, er stórvirki sem hefur verið íslensku mataráhugafólki nær ótæmandi brunnur fróðleiks og skemmtunar allt frá upphafi. Bókin, sem var tilnefnd til Íslensku bókmenntaverðlaunanna og hlaut verðlaun Hagþenkis og viðurkenningu Félags bókasafnsfræðinga, er nú loksins fáanleg aftur.

Matarást var fyrsta bók Nönnu Rögnvaldardóttur um mat og matargerð en hún hefur síðan sent frá sér hátt í tuttugu matreiðslubækur sem notið hafa mikilla vinsælda og selst í yfir hundrað þúsund eintökum.