Það eiga sér óvæntir atburðir stað þegar Trausti fer í sumarbústað upp í sveit með mömmu og systrum sínum tveim, þeim Tobbu og Tinnu. Þar er ekki rólegheitunum fyrir að fara eins og til var ætlast. Amma kemur í heimsókn. Og hún týnist! Enginn veit hver dularfulli draugurinn hans Trausta er og ýmislegt kemur í ljós sem engan hefði órað fyrir.

Guðrún Helgadóttir hlaut Barnabókaverðlaun skólamálaráðs Reykjavíkur 1994 fyrir bók sína Litlu greyin. Bókin hefur verið ófáanleg um langt skeið en er nú loksins endurútgefin. Guðrún Helgadóttir hefur um áratugaskeið verið einn ástsælasti barnabókahöfundur landsins enda tekst henni listilega vel að gera veruleikann kíminn og spennandi.