Hamborgari er ekki það sama og hamborgari. Sé hann matreiddur af natni úr úrvals hráefni er hamborgari gæðafæða.

Í þessari bók bregður sjónvarpsmaðurinn Svavar Halldórsson sér í nýtt hlutverk. Hingað til hefur hann verið þekktur sem harðsnúinn fréttahaukur en hér birtist hann lesendum sem einlægur lífskúnstner og matmaður. Nú sýnir hann okkur hvernig hægt er að galdra fam hollar hamborgaraveislur úr íslensku hráefni. Bókin byggir á reynslu fjölskylduföðurins úr eigin eldhúsi og vegferð í átt að heilbrigðari lífsstíl.