Þessi óvanalega bók fjallar um dulræna hæfileika Bjargar S. Ólafsdóttur og miðilsþjónustu hennar í 60 ár. Hún veitir svör við því sem hvern einasta mann varðar mestu; Hver verða örlög okkar við líkamsdauðann? Og hvernig er hinn huldi heimur – handan grafar og líkamsdauða? Hér koma fram þrír þjóðþekktir menn, löngu látnir, séra Kristinn Daníelsson alþingisforseti, séra Jóhann Þorkelsson dómkirkjuprestur og Einar Loftsson kennari ásamt aðalstjórnanda Bjargar og veita svör við þessum spurningum. Þeir segja frá andláti sínu og fyrstu lífsreynslu í heimi framliðinna og lýsa nýjum heimkynnum.