Að kvöldi 13. júlí 1966 braust Richard Speck inn í heimavist hjúkrunarfræðinema við götu eina í Chicago í Bandaríkjunum. Hann var ölvaður en virtist þó mjög yfirvegaður í athöfnum sínum. Hann vakti nemana, sem voru allt ungar konur, safnaði þeim saman í eitt herbergi og skipaði þeim að láta peninga sína af hendi, þá myndi hann ekki vinna þeim mein.

Þegar hann hafði fengið peningana í hendur batt hann stúlkurnar fastar með rúmlökum. Síðan leiddi hann eina þeirra í annað herbergi „til að tala“ þótt annað vekti fyrir honum. Atburðarásin tók svo óvænta stefnu þegar tveir nemar, sem ekki höfðu verið heima, komu Speck skyndilega að óvörum.

Það sem gerðist næstu klukkustundir vakti óhug út um öll Bandaríkin.

Heimavistarmorðin er hrollvekjandi frásögn af einu óhugnanlegasta glæpamáli sögunnar, sögð á kraftmikinn og lifandi hátt eins og í bestu spennusögu.