Roger Brown er vel settur: Glæsilegt einbýlishús í Osló, eiginkonan Diana er stórkostleg og hann er ekki bara farsæll í starfi hausaveiðarans, sem leitar uppi rétta fólkið í æðstu stöður norskra stórfyrirtækja, heldur óumdeilanlega sá besti.

En þótt launin séu há duga þau engan veginn fyrir lífsstílnum sem Roger telur nauðsynlegan til að halda í konuna sem hann elskar. Til að drýgja tekjurnar hefur hann komið sér upp öðrum og skuggalegri starfsferli og gert listaverkaþjófnað að list.

Í Hausaveiðurunum er lesandanum kastað vægðarlaust inn í tryllta skuggaveröld uns hann stendur á öndinni. Jo Nesbø lætur gamminn geysa á sinn óviðjafnanlega hátt.

Ingunn Ásdísardóttir þýddi.

ATH. Hljóðbókin er aðeins til á geisladiski (CD eða Mp3) sem er afhentur í pósti eða sóttur í Bókabúð Forlagsins. Hér má finna hljóðbækur okkar sem eru aðgengilegar rafrænt í streymi.