Við rannsókn á mannshvarfi árið 1988 bönkuðu lögreglumenn í Sacramento í Bandaríkjunum upp á í gömlu gistihúsi þar sem aldraðir utangarðsmenn og andlega veikt fólk átti athvarf. Þarna hafði verið síðasta heimilisfang mannsins sem hvarf.

Eigandi gistihúsins, Dóróthea Puente, var elskuleg gömul kona sem naut virðingar í samfélaginu fyrir líknarstörf sín. Engar vísbendingar fengust um mannshvarfið við þessa heimsókn. Þó voru lögreglumennirnir hugsi yfir ummælum eins dvalargestsins. Sá hafði sagt um að sumir íbúar í gistihúsinu hefðu fyrirvaralaust horfið á braut í skjóli nætur án þess að skilja eftir neinar upplýsingar um hvert þeir fóru. Auk þess hefðu stundum verið grafnar stórar holur í garðinu sem hefðu verið fullar að morgni.

Hinn 11. nóvember 1988 sneru lögreglumennirnir aftur í gistihúsið, nú með skóflur í hendi. Í kjölfarið hófst rannsókn sem vakti heimsathygli á sínum tíma.

Æsileg frásögn af einu magnaðasta glæpamáli í sögu Bandaríkjanna.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er um 5 klukkustundir og 5 mínútur að lengd. Elva Ósk Ólafsdóttir les.