Maria Stewart er glæsileg og gáfuð stúlka af íslenskum ættum sem hefur alist upp með foreldrum sínum í Englandi. Framtíðin er björt en skyndilega hrynur heimurinn umhverfis hana. Foreldrar hennar farast voveiflega og fréttir berast af andláti systur hennar á Íslandi. Þessir atburðir leiða Mariu til ættlands síns. Ljóst er að dauði systurinnar er ekki eðlilegur, óhugnaðurinn magnast og fyrr en varir er Maria föst í neti forneskju og djöfladýrkunar.