Ath. Bókina er að hægt að nálgast að kostnaðarlausu í Bókabúð Forlagsins, Fiskislóð 39.

Á þjóðhátíðardegi Íslendinga, 17. júní, flytur fjallkonan landsmönnum boðskap sinn, klædd glæsilegum hátíðarbúningi. Hún minnir á sögu lands og þjóðar, iðulega í bundnu máli, hvetur til eindrægni og friðar og biður fólkinu blessunar. Okkur finnst hún svo sjálfsögð að við veltum henni sjaldan fyrir okkur. En hvaðan kemur hún, fjallkonan okkar?

Í þessari bók er rakin saga af ímynd fjallkonunnar, sagt frá því hvenær hún verður til í orði, hvenær og hvernig hún tekur á sig mynd, hvenær hún tekur til máls og hvað hún hefur haft að segja okkur á liðnum áratugum og allt til samtímans.

Fjallkonan – „Þú ert móðir vor kær“ er gefin út í tilefni af áttatíu ára afmæli lýðveldisins Íslands. Hér eru birtar greinar eftir Guðmund Odd Magnússon myndlistarmann, sagnfræðinganna Ragnheiði Kristjánsdóttur og Áslaugu Sverrisdóttur og Silju Aðalsteinsdóttur bókmenntafræðing sem einni ritstýrir verkinu. Formála ritar Bjarni Benediktsson forsætisráðherra.