Ferðin til Samiraka, eftir Hörpu Jónsdóttur, var valin besta sagan í samkeppni um Íslensku barnabókaverðlaunin árið 2002. Niðurstaða dómnefndar var að handritið bæri af öðrum sem send voru inn í keppnina og í áliti hennar segir meðal annars: „Ferðin til Samiraka er dularfull og grípandi saga sem heldur lesanda spenntum frá upphafi til enda.“

Í bókinni segir frá Sigrúnu sem er nýflutt til Ísafjarðar. Dag einn verður hún fyrir undarlegri upplifun og dregst inn í veröld sem er gjörólík þeirri sem hún þekkir. Hún tekur þátt í að aðstoða fólk sem berst fyrir frelsi sínu en óvinurinn virðist vera að fara með sigur af hólmi.

Ferðin til Samiraka er frumraun Hörpu, mögnuð saga um baráttuna milli góðs og ills.