Hér segir af litlu lambi sem er með eitt horn og fer að leita uppi hinn goðsögulega einhyrning. Kveikjan að sögunni var ljósmynd í Morgunblaðinu af gimbur sem var að koma af fjalli einhvers staðar í Fljótshlíðinni. Hún var með eitt horn og undarlegt „háralag“. Guðrún Hannesdóttir tengdi þetta lamb fallegu ljóði sem þýska skáldið Rilke samdi um einhyrninginn og fyrr en varði var sagan af einhyrningum orðin til.