EINHVERS KONAR ÉG eru sjálfsævisögur Þráins Bertelssonar um fátækt, geðveiki, einelti, þunglyndi – og töframátt lífsins.

Hér segir frá sjúklingum á Kleppi, stuttri trúlofun, eftirminnilegu jólahaldi, skrautlegri skólagöngu, kynórum, einsemd, lífsháska, einstæðum föður og vægast sagt óvenjulegum uppvexti.

Æðrulaus upprifjun Þráins Bertelssonar er fyndin og átakanleg í senn og minnir lesandann á, að sorgir minnka um helming þegar þeim er deilt með öðrum – en gleðin tvöfaldast.

Sorg og gleði stíga dans á síðum þessarar einstöku bókar.