Draumahús Önnu er fimmta bókin í bókaflokkum um Önnu í Grænuhlíð.

Það verkefni að þýða allan bókaflokkinn um Önnu í Grænuhlíð er þegar rúmlega hálfnað, fimm af átta bókum hafa komið út í nýrri þýðingu Sigríðar Láru Sigurjónsdóttur, þar af ein sem aldrei hefur komið út áður á íslensku: Anna í Asparblæ.

Bókin hefst á því að Anna Shirley og Gilbert Blythe giftast loks, eftir langt og stormasamt tilhugalíf og langa en kyrrlátari trúlofun, og hreiðra um sig í litlu húsi nálægt smábænum Maríuvogi á Prins Eðvarðs-eyju. Þar eignast þau sín fyrstu börn og kynnast nýju og áhugaverðu fólki, upplifa gleðistundir en einnig mikla sorg.