Gunvald Larsson lögreglumaður hefur fylgst með náunga sem heitir Malm í tíu viðburðasnauða daga. Dag einn er Larsson staddur fyrir utan gamalt timburhús í miðbænum þar sem maðurinn er inni og á sér einskis ills von þegar mikil sprenging verður í húsinu og það fuðrar upp. Þar hefst sögulegt mál. Brátt kemur í ljós að rannsóknin er í verkahring morðdeildarinnar.

Sagnaflokkurinn Skáldsaga um glæp eftir sænsku rithöfundana Maj Sjöwall og Per Wahlöö hefur verið gefinn út á fjölmörgum þjóðtungum og alls staðar notið mikilla vinsælda, ekki síst meðal vandlátra lesenda. Þetta er flokkur tíu lögreglusagna sem eru sjálfstæðar hver um sig, en aðalpersónurnar eru þær sömu, Martin Beck og starfsbræður hans í rannsóknarlögreglu Stokkhólmsborgar. Þetta er fimmta bókin í flokknum.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 8 klukkustundir og 14 mínútur að lengd. Kristján Franklín Magnús les.