Bókin um veginn er eitt af fornum öndvegisritum heimsins, meira en tvö þúsund og fimm hundruð ára gömul kínversk speki eftir Lao-Tse. Bókin er í senn stutt og óendanleg, auðskilin og óræð, enda geymir hún djúpa visku um veröldina og margvísleg heilræði um mannlega breytni og farsæl samskipti fólks; hún boðar gæsku og sátt.

Þýðingin er eftir Jakob J. Smára og Yngva Jóhannesson en Halldór Laxness skrifar formálsorð.

Um smábókaseríu Forlagsins: Mikil alúð og vinna er lögð í útlitshönnun og efnisval seríunnar. Bækurnar eru framleiddar í litlu upplagi og eru þær að mestu unnar í höndunum. Kápurnar er prentaðar með sérstökum prentlitum á sérgert bókbandsefni sem gefur bjarta liti og sérstaka áferð.