Montgomery-bræðurnir þrír og móðir þeirra eru að gera upp gamla hótelið í smábænum Boonsboro. Það á sér langa og dramatíska sögu, ekki alveg lausa við afturgöngur. Beckett er arkitektinn í hópnum og hefur nóg á sinni könnu en er þó ekki með allan hugann við verkið. Clare, æskuástin hans, er flutt aftur í bæinn með þrjá unga syni sína. Sterkir straumar draga hana að hótelinu og manninum sem stýrir endurbótunum á því – en er hún reiðubúin að hefja nýjan kafla í lífi sínu? Ævintýrið bíður handan við hornið en ekki eru allir sáttir við samband þeirra …

Nora Roberts er vinsælasti ástarsagnahöfundur Bandaríkjanna og allar bækur hennar frá 1999 hafa komist á metsölulista New York Times. Þær hafa verið gefnar út í tugum landa og selst í yfir 500 milljónum eintaka. Áður hafa komið út á íslensku bækurnar Húsið við hafið og Vitnið.

Halla Sverrisdóttir þýddi.

„Enginn tekur Noru fram þegar alvöru ástarsögur eru annars vegar.“
Booklist

* * * *
„Þetta er vel skrifuð saga og persónulýsingarnar gera frásögnina sérlega lifandi. Þessi eilífa barátta góðs og ills leikur í höndunum á Noru Roberts …“ (Um Vitnið)
Steinþór Guðbjartsson / Morgunblaðið