Árið 1972 var tveimur sekúndum bætt við tímann til að hann stemmdi við hreyfingar jarðarinnar. Byron Hemmings vissi þetta því að James Lowe hafði sagt honum það og James var gáfaðasti drengurinn í skólanum. En hvernig var hægt að breyta tímanum? Hreyfingar klukkuvísanna voru eins óumbreytanlegar og gulltrygg framtíð drengjanna tveggja. 
En svo gerir móðir Byrons afdrifarík mistök þegar hún er að flýta sér með börnin í skólann. Fullkomin tilvera Byrons hrynur til grunna. Er það sekúndunum tveimur að kenna? Verður einhvern tíma hægt að leiðrétta það sem fór úrskeiðis?

Þetta er önnur bók höfundar, sem sló eftirminnilega í gegn með Hinni ótrúlegu pílagrímsgöngu Harolds Fry.