Almenn efnafræði – efnin og umhverfið – eftir Hafþór Guðjónsson er einkar aðgengileg inngangsbók um efnafræði. Hún er ætluð nemendum á framhaldsskólastigi, nánar tiltekið þeim sem eru að hefja nám í efnafræði.

Leitast er við að sýna tengsl efnafræðinnar við umhverfi og daglegt líf fólks og vekja lesandann til umhugsunar um þann efnisheim sem við lifum í og byggjum tilveru okkar á.

Mörg verkefni eru í bókinni og fjöldi ljósmynda og teikninga.