Daría er ung, falleg og vel menntuð – en hún býr í Odessu í Úkraínu þar sem atvinnuleysi er gríðarlegt og mafíósar ráða lögum og lofum. Þegar Daría fær loks gott starf þarf hún að verjast ágengum yfirmanni og óttast brottrekstur á hverri stundu.

En svo býðst henni aukavinna hjá hjónabandsmiðlun sem sérhæfir sig í að finna úkraínskar konur handa einmana Ameríkönum og þó að hún dýrki heimaborg sína fer fyrirheitna landið að freista hennar – Bandaríkin, þar sem allt er svo frjálst og æðislegt …

Þessi fyrsta bók Janet Skeslien Charles – sem hefur verið lýst sem bræðingi Aðþrengdra eiginkvenna og Stutts ágrips af sögu traktorsins á úkraínsku – er létt og dásamlega kaldhæðin saga um vonir og vonbrigði konu sem lætur ekki kúga sig heldur er reiðubúin að fórna öllu fyrir mannsæmandi líf.

Salka Guðmundsdóttir þýddi.