Æfingin skapar meistarann eftir Margréti Pálu kom fyrst út árið 1992 en er nú endurútgefin af Almenna bókafélaginu. Bókin markaði spor í sögu uppeldis- og skólamála á Íslandi og á ennþá brýnt erindi við uppalendur og áhugafólk um skólamál. Hér rekur Margrét Pála reynslu sína á fyrsta starfsári leikskólans Hjalla í Hafnarfirði og rökstyður kenningar sínar um hvers vegna hún telji best að kenna stúlkum og drengjum ekki saman, hvers vegna hún telji leikefni betra en leikföng og hvers vegna agi sé börnum nauðsynlegur, svo eitthvað sé nefnt.