Lestrarhestar fá nýtt fóður allt árið um kring – líka á sumrin til að lesa í sólinni. Útgáfa á sumarkiljum hefur verið blómleg þetta árið og ættu allir að finna eitthvað við sitt hæfi. Margar hverjar hafa fengið góðar viðtökur hjá gagnrýnendum og eru því sannkallaðar stjörnubækur sumarsins.
Önnur bókin í Hungurleikjaþríleiknum, Eldar kvikna, hefur verið afar vinsæl, stjörnukrimmarnir Dauði næturgalans og Þegar öllu er á botninn hvolft standa líka svo sannarlega fyrir sínu.
Fimm stjörnu veislan Sumarhús með sundlaug hefur fengið frábæra dóma og setið í efstu sætum metsölulista mestallt sumarið. Bókin er afhjúpandi, fyndin og spennan er undirliggjandi í þessari mögnuðu samtímasögu. Ragna Sigurðardóttir þýðir bókina og hefur hlotið lof fyrir.