Út er kominn hjá Máli og menningu nýendurskoðaður Íslandsatlas, en hann hefur verið ófáanlegur frá árinu 2009.
Landið allt, frá hæstu tindum til annesja og eyja, er sýnt á 132 stórbrotnum kortum í mælikvarðanum 1:100 000. Örnefnum hefur fjölgað um 1000, í 44.000, og útlínur allra jökla endurteiknaðar eftir nýjustu gervitungla- og fjarkönnunargögnum. Markverðustu breytingarnar á Íslandi síðasta áratuginn hafa einmitt orðið á jöklum landsins, sem hafa hopað og framundan þeim hafa birst ný lón og sumsstaðar himinháir fossar.
Svona hefur enginn séð Ísland áður. Íslandsatlas Máls og menningar ætti að vera til á hverju menningarheimili.