Vilhelm Anton Jónsson er fæddur í Reykjavík 3. janúar 1978. Hann lauk B.A.-prófi í heimspeki við Háskóla Íslands. Vilhelm hefur starfað sem tónlistar- og fjölmiðlamaður um árabil. Hann varð þekktur undir heitinu  Villi naglbítur eftir hljómsveitinni sinni en heitið Vísinda-Villi hefur mjög sótt á. Undir því heiti hefur hann vakið áhuga æsku landsins á vísindum og furðum alheimsins – m.a. í ýmsum fræðandi og skemmtilegum bókum.