Gunnar Hersveinn var valinn Ljósberi ársins 2004 ásamt Toshiki Toma fyrir skrif sem efla gagnrýna umræðu í samfélaginu og styrkja umræðu um ábyrgð allra á uppeldi barna, auk þess að berjast gegn fordómum. Hann var tilnefndur til Blaðamannaverðlauna árins 2004 fyrir athyglisverð skrif um mannlíf á sviði jafnréttis-, uppeldis- og menntamála. Hann hefur skrifað bækurnar Orðspor og Gæfuspor og einnig sent frá sér ljóðabækur. „Ég hef lengi beðið eftir þessari bók um lífsgildin og las hana mér til mikillar ánægju. Bókin Gæfuspor er áttaviti sem vísar veginn.” Vigdís Finnbogadóttir „Gæfuspor Gunnars Hersveins er viskurit sem vekur til umhugsunar, gagnlegt öllum sem vinna að lífsgæðum og vanda ævigönguna.“ Sigurður Árni Þórðarson „Gunnar Hersveinn vekur okkur til umhugsunar um sorg, ást, efa, stríð og samhengi manneskjunnar á okkar tímum – mikið happ er að eiga menn sem nenna að hugsa.“ Sigurbjörg Þrastardóttir