Hvað dregur ferðamenn til Íslands?

Er það íslensk náttúra, Eyjafjallajökull, áhugi þeirra á íslenskri tungu og bókmenntum? Björk eða ef til vill íslensk dulspeki?

Á litlu hóteli í Reykjavík eru saman komnir gestir frá ýmsum þjóðlöndum. Allir eru þeir með mismunandi beinagrindur í farteskinu og sögur þeirra tvinnast saman á óvæntan og skondinn hátt.

Hótel – smásögur er fjórða bók Steindórs Ívarssonar. Áður hefur hann gefið út þrjár ljóðabækur. Búrið árið 1998, Elskað í þögninni árið 2003 og Undir fjöllunum árið 2015.