„Máttur vanans til að aftra öllum efasemdum um þær siðareglur, sem menn setja hver öðrum, er mestur vegna þess, að flestir menn telja ástæðulaust að beita sjálfa sig sem aðra skynsemdarrökum í siðferðisefnum. Í þeim efnum hafa menn vanizt þeirri trú, að tilfinningar séu öruggara leiðarljós en skynsemin og geri öll rök óþörf.“

Frelsið (e. On Liberty) kom fyrst út árið 1859 og telst enn eitt af höfuðritum stjórnmálaheimspekinnar.

Mill beitir kenningum sínum um siðferði, nytjastefnu, á samfélagið og reifar meðal annars hugmyndir um einstaklingsfrelsi, lýðræði og takmarkanir valds sem hafa gegnt grundvallarhlutverki í þróun nútímahugmynda um frjálslyndi.

Frelsið birtist hér í íslenskri þýðingu þeirra Jóns Hnefils Aðalsteinssonar og Þorsteins Gylfasonar með forspjalli eftir þann síðarnefnda.